Back

የአሜሪካ ጉዳዮች ዳይሬክቶሬት ጄኔራል

የአሜሪካ ጉዳዮች ዳይሬክቶሬት ጄኔራል

የአሜሪካ ዳይሬክቶሬት ጄኔራል ኢትዮጵያን ከሰሜን አሜሪካ፣ ከደቡብ አሜሪካ ክልላዊ ድርጅቶች ጋር ያላትን ግንኙነት በማጠናከር የኢትዮጵያን የፓለቲካ፣ ኢኰኖሚ እና ማህበራዊ ጥቅሞች ለማስከበር ይሰራል፡፡ ዳይሬክቶሬት ጄኔራሉ በንግድ፣ ኢንቨስትመንት የልማት ትብብር እና ቴክኒካዊ ድጋፍ ዘርፎች ጥናት በማድረግ ኢትዮጵያ ከአሜሪካ ሀገራት እና ክልላዊ ድርጅቶች ጋር በፓለቲካ እና ኢኰኖሚ ዘርፍ ቅድሚያ የሚሰጣቸውን የትብብር መስኰች የመለየት ስራ ያከናውናል ።በፀረ- ሽብር ዓለም አቀፍ ትብብር ዙሪያ በኢትዮጵያ እና በአሜሪካ መካከል ያለውን ትብብር የማጠናከር ስራ ያከናውናል፡፡

ዳይሬክቶሬት ጄኔረራሉ በኢትዮጵያ እና በሀገራቱ ወይንም በክልላዊ ድርጅቶቹ መካከል የተፈረሙ ስምምነቶችን አፈፃፀም ከባለድርሻ አካላት ጋር በመሆን ይከታተላል፡፡ በሀገራቱ ባሉ ኢንቨስተሮች እና መንግስታዊ ያልሆኑ ድርጅቶች ላይ በማትኰር የልማት ትብብርን ለማጠናከር የሚያስችሉ ጥናቶች በማካሄድ ስትራቴጂዎችን ይነድፋል፡፡ በሁለትዬሽ ንግድ፣ ኢንቨስትመንት፣ ቱሪዝም እና የልማት ትብብር ዙሪያ ለድርድር አመቺ የሆነ ከባቢ እንዲፈጠር ይሰራል፡፡ ከሁለትዬሽ ስምምነት የሚመነጩ የገበያ፣ የቴክኒክ እና የአቅም ግንባታ እድሎችን ለቢዝነስ እና ኢኰኖሚ ዳይሬክቶሬት ጄኔራል በማሳወቅ የሀገራችንን ተጠቃሚነት ለማረጋገጥ ይሰራል፡፡ ከንግድ ጋር በተያያዙ ሀገራችን በተፈራረመችው ወይንም ልትፈራረም በዝግጅት ላይ ባሉ ስምምነቶች ላይ የፓሊሲ አማራጮችን ያማክራል፡፡

ዳሬክቶሬት ጄኔራሉ ከአሜሪካ ሀገራት የሚመለከታቸው አካላት ጋር በመተባበር ሀገራችን በተመለከተ የሚወጡ የጉዞ ማሳሰቢያዎች የሀገራችንን መልካም ገጽታ የሚያሳዩ እንዲሆኑ ይሰራል፡፡ በኢትዮጵያ በሚፈጠሩ ማናቸውም ሁኔታዎችን በተመለከተ ለአሜሪካ ሀገራት መረጃ ይሰጣል፣  በተለያዩ ፓሊሲዎች እና ጉዳዬች ላይ ውይይት በማድረግ የኢትዮጵያን አቋም ለማንፀባረቅ ይጥራል፡፡ በተመሳሳይ በአሜሪካ የሚከሰቱ ዋና ዋና ሁኔታዎችን በማጥናት የሀገራችን ምላሽ ምን ሊሆን እንደሚገባ ሬኰመንዴሽን ያቀርባል፡፡ በስብሰባዎች እና በሌሎች መድረኰች የአሜሪካ ሀገራት የሚያራምዷቸው አቆሞች በኢትዮጵያ ላይ ሊኖራቸው የሚችለውን ተጽእኖ በተመለከተ አስተያየት ይሠጣል፡፡ የኢትዮጵያ አቋሞች ሁል ጊዜም የውጭ ግንኙነት ፓሊሲውን እና ሌሎች ጠቃሚ ሁኔታዎችን መሰረት ያደረጉ እንደሆኑ ያረጋግጣል፡፡ የህዝብ ለህዝብ ግንኙነቱን ለማጠናከር የከፍተኛ ባለስልጣናት ጉብኝት ሀሳቦችን ያመነጫል፣ የመነጋገሪያ ነጥቦች እና ሌሎች ተያያዥ ሰነዶችን ያዘጋጃል፣ የጉዞውን አጠቃላይ ሂደትም ያስተባብራል ፡፡

ዳይሬክቶሬት ጄኔራሉ በአሜሪካ ሀገራት ለሚገኙ የኢትዮጵያ ሚሲዮኖች ድጋፍ ይሰጣል፣ የስራ አፈጻፀማቸውም ይገመግማል፡፡ በአሜሪካ ሀገሮች የሚገኙ የኢትዮጵያ ሚሲዮኖች እንዲስፋፉ ወይንም በነዚሁ ሀገራት አዳዲስ ሚሲዬኖች እንዲከፈቱ ሬኰመንዴሽን የማቅረብ ስልጣን አለው፡፡ የዳይሬክቶሬቱን አመታዊ አቅድ የሚኒስቴር መስሪያቤቱን ስትራቴጂክ መሠረት በማድረግ ያዘጋጃል፡፡